समाजसेवी थापाको आर्थिक सहयोगमा छात्रवृति बितरण

प्रकाशित मिति :  २८ भाद्र २०७६, शनिबार

डिल्लीराज बिश्वकर्मा/आठबिसकोट

समाजसेवी जयन्ती थापाको आर्थिक सहयोगमा रुकुम (पश्चिम)को आठबिसकोट नगरपालिकाको एक बिधालयका गरिब तथा जेहेन्दार छात्राहरुलाई छात्रवृत्ती वितरण गरिएको छ ।

वडा नम्बर ९ स्थीत श्री बाल कल्याण माद्यामिक विद्यालयका गरिब तथा जेहेन्दार छात्राहरुलाई शुक्रबार एक कार्यक्रमका बिच छात्रवृत्ती वितरण गरिएको हो ।

हाल अमेरिकामा रहनु भएका समाजसेवी थापाको आर्थिक सहयोगमा र बालकल्याण माद्यामिक विद्यालय राडीको आयोजनामा सोही विद्यालयमा कक्षा ११ र १२ मा अध्ययनरत ५ जना छात्राहरुलाई जनही ५/५ हजारका दरले छात्रवृत्ती प्रदान गरिएको छ ।
उक्त बिधालयका कक्षा ११ मा अध्यनरत छात्राहरु रेखा बि.क, अन्जना शाह र निरुता गौतमलाई छात्रवृती प्रदान गरिएको छ । यस्तै कक्षा १२ मा अध्यनरत छात्राहरु रेनुका आरसी र निर्मला बोहरालाई पनि छात्रवृत्ती बितरण गरिएको बाल कल्याण मावीका प्रद्यानाद्यापक केशव हमालले बताउनुभयो ।

कर्णाली प्रदेशको दैलेखमा जन्म घर तथा रुकुम पश्चिमको आठविसकोटमा कर्मचार भएका थापाले हाल अमेरीकामा रहेर विगतमा आफुले अध्यापन गराएको बिधालयका बिधार्थीलाई छात्रवृती सहयोग गर्नुभएको हो ।

उहाँले आर्थिक अभाबका कारण शिक्षाको उज्यालोबाट बञ्चीत नहुन भन्ने भाबका साथ कर्णाली प्रदेश तथा सुदुर पश्चिम प्रदेशका गरिब तथा जेहेन्दार बिधार्थीहरुलाई यसरीनै सहयोग गर्दै आउनुभएको छ ।

यस्तै समाजसेवी थापाले आठबिसकोट नगरपालिकाको सिर्जनशील महिला बिकास केन्द्रमा १ लाख रुपैयाँको अक्ष्यकोष स्थापना गरि नगरपालिका भित्रका बिभिन्न बिधालयका ५ जना गरिव तथा जेहेन्दार छात्राहरुलाई समेत पढाउदै आउनुभएको छ ।

नेपाली पन र नेपाली मन भनेको के हो भन्ने कुरा समाज सेवी थापाबाटै सिक्न सकिने भन्दै धेरैले उहाँको प्रशंसा पनि गरेका छन ।।

Facebook Comments