विप्लव नेकपानिकट अखिल क्रान्तिकारी दाङका अध्यक्ष अनिल केसी र सचिव खुमन पौडेललाई प्रहरीले पक्राउ गरेको छ ।
बिहीवार घोराहीमा भारतीय अतिक्रमित भूमि फिर्ताको माग गर्दै जुलुस निकाल्ने क्रममा पक्राउ परेका हुन् । भूमिगत पार्टीमा लागेर प्रतिबन्धित गतिबिधि गरेको भन्दै प्रहरीले पक्राउ गरेको छ ।
यसैबीच विप्लवनिकट अखिल क्रान्तिकारी राप्ती समन्वय समितिको अगुवाइमा घोराही क्षेत्रका विभिन्न विद्यालयमा अध्ययरत विद्यार्थीहरुले जुलुस निकालेका थिए ।
अखिल क्रान्तिकारीका कार्यकर्ता विद्यालय विद्यालयमा पुगेर राष्ट्रियतासम्बन्धी आन्दोलनमा सहभागी हुन आव्हान गरेपछि विद्यार्थीहरु राष्ट्रिय झण्डासहित सडकमा निस्केका हुन् ।
यद्यपि जुलुसको अगुवाइ गर्ने क्रान्तिकारीका कार्यकर्ताले आफ्नो पहिचान नदिएर संगठनको झण्डा तथा माउ पार्टीलाई सहयोग पुग्ने नारा लेखिएका प्लेकार्ड विद्यार्थीलाई दिएका थिए ।
राष्ट्रियतासम्बन्धी भएकाले विद्यार्थीहरुलाई प्रदर्शन गर्न दिने तर प्रतिबन्धित दलसँग सम्बन्धित विद्यार्थी नेता कार्यकर्ता गिरफ्तार गर्ने सरकारी नीति बुझेपछि जुलुसमा भने अखिल क्रान्तिकारीका नेता कार्यकर्ता देखिएनन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
